اجواء كوريه بمطعم koryukwan في الكويت

안녕하세요انيونغ هاسيو يعني مرحباا .. لمحبين كوريا الجنوبية ..




بهالموضوع راح نعرض لكم عن المطعم الكوري بالكويت .. طبعا الصور اللي بتشوفونها من عدة زيارات ..
وان كانت الاطباق قليله ..لتكرار بعضها و الادمان عليها

اسم المطعم : koryukwan
موقع المطعم :الكويت بفندق كارلتون تاور ..بجانب الخطوط الجويه الكويتيه



 


مكان المطعم من google map



المطعم بشكل عام خااص للكورين نادر ما نلقي كويتيين ما شفناهم الا مرره .. واحلي شي بالمطعم تحسون بالجو العائلي او كانه مطعم صديقك تحضر مره وحده وخلاص تصير من اصحاب البيت .. يرحبون فيك ترحيب جميل ويسولفون معاك وطبعا كل الترحيب والكلام بالكوري وبما انه عندنا خلفيه عن اللغه الكوريه نقدر نطق حنك معاهم

الاجواء اجواء كوريه بحته .. يحطون لنا ميوزك كوري.. واحلي شي فيهم القرسون صديقنا
كبير سنباي .. ما شاء الله عليه يعرف 6 لغات من ضمنها الكوري وياباني ويحب يعلم الناس الكوري .. والمطعم يفتح بكير وساعه الذوره الساعه 11 لين 1 يكون زحمه المكان ناس داشه وناس طالعه واصوات ضحك وسوالف كل واحد ماخذ رحته كانه في بيته شي ممتع ,, بس من 1 لين 3 فاضي وهادي ,, يسكر المطعم الساعه 3 ويفتح ٤ العصرللعشاء .. اسعار المطعم مو غالية ولا رخيصه وسط يمكن كل طبق بحدود 5 دك..


الحين راح نعطيكم لفه عن المكان
في طاولات وفي كبائن

~~تصميم المكاان والديكور ~~



واجهة المطعم



من زاوية اخري وفي بعد تلفزيون يحطون علي قنوات كوريا

كتابات كورية  .. وكتب  باللغه الكوريه ,, وبعد عندهم دليل اذا ودكم تسافرون كوريا ومحتارين

الصوره عاليسار هذا الحاجز بين الكبائن
واحلي مافي الموضوع لما نروح نقط اذنه عليهم ونسمع سوالفهم واحنا نسولف وبصراخ ومحد يفهم

~الادوات اللي تكون غالبا على الطاوله~
الستيكس "الاعواد" وملعقه ..وكوب الماي

والمقص للتقطيع في بعض الاطباق ..<يستخدمون المقص للتقطيع بدل السجين

~ المنيو ~



~المقبلات ~

او المشهيات
شي اساااسي بالاكل الكوري
ولازم تكون متواجده على اي طاوله طعام كوريه وتختلف عدد الاطباق حسب كل عائله..
وطبعا المطعم يقدمها مجانا على كل طاوله

الكيمتشي KIMCHI
كوريا معروفه ببلاد الكيمتشي ..لانها تشتهر بهذا النوع من المخللات
واكيد اي شخص يتابع الدراما الكوريه او يقرا عن كوريا سمع عن الكيمتشي ..لاتخلو منه اي عائله لفوائده بما تحتويه من مكونات
اهم مكوناته الملفوف"الكرمب" والثوم ومسحوق الفلفل وهو سبب لونه الاحمر
وبعض الخضروات اللي تتقطع بشكل صغير حسب كل عائله واللي تفضله

البيض:

وهذا احد الحقائق اللي اكتشفتها
حب الكوريين للبيض ،، ويحاولون يدخلونه باغلب اكلاتهم او يخلونه كمقبلات ..

الكوسا :

عباره عن شرائح من الكوسا تغمس في الطحين والبيض وبعدها تطبخ بالزيت
ويمي يمي لمحبين الكوسا

-مخلل الفجل pickled radish
- اصفر واحمر ..
-مخلل السبانخ
-مخلل البروكلي
-مخلل شرائح البطاط
-ربيان مجفف صغير ماعندي فكره عن اسمه
-بس كان طعمه سويت

شي جميل بالمطعم مثل بعض المطاعم مكان جميل للاحتفال باعياد الميلاد ما راح يقصرون معاكم راخ يغنون لكم ويسون لكم ضجه ويشعلون شمعة العيد ميلاد  

راح اكمل معاكم الاطباق الرئيسة اللي صرنا ادمان عليها إذا مر شهر ما اكلنها نحس فاقدين شي .. حتي وصلنا لدرجة انه نحاول نطبخها بالبيت


~الاطباق الرئيسيه ~







‪-‬ نودلز الفاصوليا السوداء او ماتسمى ب جاجاميونغ
JaJamyung

حبيت هالطبق مع اني ماتشجعت بسبب الفاصوليا السودا
بس كان الطعم حلو
ومن هني لاحظت اهميه "المقص" في الاكل الكوري
بعد خلطها لازم نستخدم المقص في التقطيع لان النودلز طويل ماله نهايه ..<<ولا راح تتوهقون نفسي وماراح تاكلون لولا تدخل "كبير سنباي" بالمقص وتقطعيه لنا



‪-‬الكيمباب kimbap



اكله مشهوره بكوريا وطبق رئيسي مهم وانتشر عندنا بالخليج باسماء مختلفه
مثل السوشي والرول وغيره

طبعا اللي مايحب الاعشاب البحريه مستحيل يقدر ياكله
لان الكيمباب من اهم مكوناته واللي يلف هالمكونات هي شريحه من الاعشاب البحريه

اللي لاحظته بالكيمباب اني لما اكل بس قطعتين احس بالشبع ..
هالاكله نوعا ماحسيتها ثقيله
يمكن لان كميه الارز فيها كثيره ..!

دكبوكي TteokBokKi



عباره عن كعك الارز ..
مسحوق الارز يطبخ ع البخار ويتشكل بهالطريقه ويطبخ مع صوص خاص قدرت اعرف منه الطماط ومسحوق الفلفل
الطعم لذيذ جداااا وسبايسي
ويفضل اكله حااااار ..
انصح فيه وبشده ..

حساء الكيمتشي مع فول الصويا
kimchi jjigae



يقدم مع الارز الابيض ..
كان الطعم مقبول بس سبايسي للي يحبون الكيمتشي اول فول الصويا

كريسبي تشيكن
chicken crispy



اتعب وانا اقول هذا الشيء لذيييذ .. كل ما نروح لازم نطلبه ويفضل اكله حااار


Bulgogi بلقوقي



عباره عن لحم مطبوخ مع صلصه وخضار مقطعه شرائح
تقدم مع الخس وصلصله الفول ‫..‬
‫..‬ومعروف بكوريا اهميه الخس واستخدامه بديل للخبز


الماندو

نفس السمبوسه بالنسبه لنا ‫:‬
مالقيت لها تفسير ثاني ‫..‬
لكن الطعم كان لابئس فيه

~ التحليه ~




ايضا تقدم مجانا بعد الاكل وطلب الحساب ..
وهي بسيطه عباره عن سلطه فواكه او بطيخ ..

وختاما
ماننسى الجرس ..


قصته قصه بما ان ببالنا الكوريين عباقره
كان على بالنا انه جهاز يطلع لنا شي ممكن نستفيد منه بالاكل <<لاتسالونا شنو هالشي
ونقلب فيه ونحاول نبطله ربي ستر ماكسرناه جان انفضحنا
بالاخير طلع جرس


finally a big thanks to my big Sis "언니 길옥희" i have a great day with her ,she is very soulful

사랑해 언니

she so pretty like model   ^^

واتمني انكم استمتعتو معانا وينال الموضوع علي اعجابكم